Sometimes, we take things for granted!

Ito ang hirap sa atin, lahat na lang tinitake things for granted natin. Hindi natin iniisip na blessing lahat ng magagandang bagay na nangyayari sa atin. Ano ano nga ba ang mga bagay na nataken for granted na?

Pagkain

Kung iisipin mo, maraming bata ang nagugutom, namamalimos sa daan para lang makahingi ng piso. Para makabili ng munting pagkain na ilalagay sa kanilang tiyan. Ikaw tong nasa bahay lang at nasa harapan na nang pagkain, minsan nagagawa mo pang umangal na bakit ganun lang ang ulam.

Tubig

Kung mag aksaya ka ng tubig, kung paano mo sayangin ang tubig sa lababo, tubig habang naliligo. Pati yung tubig na inumin, minsan basta basta mo nalang ito tinatapon. Kung naiisip mo lang sana yung mga bansa na kulang sa tubig, yung mga tao sa disyerto na halos makipagpatayan makakuha lang ng tubig.

Matrikula sa Paaralan (Tuition Fees)

Kung ikaw ay isang iskolar, iskolar ng magulang mo. Sana eh nag-aaral ka nang mabuti, hindi lahat ng tao nakakapag-aral, hindi lahat ng tao nasa magandang eskwelahan tulad ng pinapasukan mo ngayon. Bakit mo laging iiniisip na next sem ka na lang babawi? Kung pwede naman ipasa na ngayon, ganun din yun e, parehong subject lang din. Kung alam mo lang na ang raming tao ang gusto mag aral pero walang pambayad ng matrikula, mga taong handang magsakripisyo makapag-aral lang.

Pag-ibig

Porket may gusto sayo yung tao inaabuso mo na, porket may gusto sayo yung isang tao inaabuso mo ang kabaitan nito, porket may relasyon ka na eh inaaway mo na ang taong mahal mo. Kung alam mo lang sana ang mga taong patuloy na naghahanap ng relasyon, kung alam mo lang sana ang mga taong umiiyak buong magdamag dahil sa iniwan sila ng taong minamahal nila.

Gadgets

Buti nga may cellphone ka pa e, buti nga may mp3 ka pa, buti nga may camera ka, tapos nag hahangad ka pa ng iba, kung may mga taong patuloy na naghihirap, ito yung mga bagay na imbis na ito ang bilhin, gamot at pagkain na lang, huwag kang magtatampo sa magulang mo dahil sa hindi ka nabilhan nito. Hindi pa ba sapat ang nabigyan ka nila ng magandang edukasyon at buhay?

Kaibigan

Masyado mong inaabuso ang abilidad ng mga kaibigan mo, utos ka ng utos sa kanila kahit hindi naman nararapat, hindi mo dapat sila kinakamusta kapag may kailangan ka lang, ang kaibigan mga taong mapagtiis yan, pero huwag mong abusuhin, kasi sa oras na magalit yang mga yan, para kang taong namatay na walang kilala sa mundo. Mahirap mag isa, mahirap mawalan ng kaibigan.

Ilan lamang ito sa mga bagay na kinukuha natin basta basta, mga hindi na rerealize ng mga tao, dahil hindi nila nadanas ang tunay na kahirapan.