Kapag nanaginip ka.

Nakakainis yung panaginip. Isa pa rin yun sa mga paasang pwedeng mangyari sa isang tao eh. Ang kulit na may ibang mundo tulad ng panaginip. Totoo kayang masaya dun pag naiwan ka dun sa panaginip na yun? Kasi lahat ng magandang nangyayaring imposible sa realidad eh nangyayari dun. Madalas tayong malungkot kapag nagigising tayo kasi hindi pala totoo. Tipong magkasama na kayo nung taong gusto mo tapos ramdam mo talagang hinahawakan mo kamay niya. Alam mo yun? Yung pantasya na binubuo ng panaginip na nararamdaman ng puso mo yung saya kahit tulog ka? Yung para bang kahit isang beses sa buhay mo naranasan mong makasama siya kahit sa panaginip lang.

Kaya may mga kanta at kasabihang “Kung panaginip lang ito sana ay huwag na akong magising pa.” Paano nga naman, ang sakit tanggapin ang realidad na hindi naman kayo magsasama. Na kahit gaano kaganda ang panaginip magmimistulang bangungot ito sayo dahil hindi naman ito totoo. Minsan ok pa yung masamang panaginip eh. Kasi pag gising mo masaya kang hindi totoo. Hindi tulad ng masaya ang panaginip mo. Kapag nagising ka malulungkot ka pa.

Gulo ng buhay no? Pero totoo naman talaga yung reality is better than your dreams. Pero sana no? Yung masasayang panaginip sana kahit isang beses.. Mangyari sa tunay na buhay. Parang teleserye kasi pinapanuod natin na tayo ang artista at siya eh. Tipong may teleseryeng kayong dalawa ang love team. Kaso yung teleserye na pinapanuod mo eh walang schedule. Kaya hindi mo alam kailan mo ulit ito masusubaybayan.

Well, that’s life. We have to deal with it.